უკრაინის საგარეო საქმეთა მინისტრი, ანდრეი სიბიგა დღეს ბრიუსელში ევროკავშირის საგარეო საქმეთა მინისტრების საბჭოს სხდომაში მიიღებს მონაწილეობას, - ინფორმაციას უკრაინული მედია საგარეო საქმეთა სამინისტროს პრესსამსახურზე დაყრდნობით ავრცელებს.

უწყებაში აცხადებენ, რომ შეხვედრის დროს სიბიგა ევროკავშირელ კოლეგებს უკრაინაში ბრძოლის ველზე არსებული ვითარების, თურქეთის დედაქალაქ სტამბოლში უკრაინა-რუსეთის შეხვედრის შემდეგ სამშვიდობო პროცესის მიმდინარეობისა და აშშ-ს, ევროკავშირის ქვეყნებს, უკრაინასა და რუსეთს შორის კონტაქტების შესახებ მიაწვდის ინფორმაციას.

საგარეო საქმეთა მინისტრი ხაზს გაუსვამს სამართლიანი და მდგრადი მშვიდობის მისაღწევად რუსეთის ფედერაციაზე შემდგომი ზეწოლისა და უკრაინის გაძლიერების მნიშვნელობას.