დონალდ ტრამპი - რუსეთსა და უკრაინას შორის ტყვეების მასშტაბური გაცვლა დასრულდა - ვულოცავ ორივე მხარეს

აშშ-ის პრეზიდენტის, დონალდ ტრამპის განცხადებით, რუსეთსა და უკრაინას შორის ტყვეების გაცვლის მასშტაბური პროცესი დასრულდა.

აშშ-ის პრეზიდენტმა იმედი გამოთქვა, რომ ამ ნაბიჯმა შეიძლება კიდევ უფრო დიდი შედეგი გამოიწვიოს.

„რუსეთსა და უკრაინას შორის ტყვეების მასშტაბური გაცვლა ახლახან დასრულდა. ის მალე ამოქმედდება. ვულოცავ ორივე მხარეს ამ შეთანხმებას. ამან შეიძლება რაღაც დიდამდე მიგვიყვანოს?“ - წერს ტრამპი სოციალურ ქსელში.

უკრაინის და რუსეთის ხელისუფლებებს აღნიშნული გაცვლის შესახებ ინფორმაცია, ჯერჯერობით, არ გაუვრცელებიათ.