აშშ-სა და ჩინეთს შორის სავაჭრო მოლაპარაკებები 9 ივნისს, ლონდონში გაიმართება
აშშ-სა და ჩინეთს შორის სავაჭრო მოლაპარაკებები 9 ივნისს, ლონდონში გაიმართება, - ამის შესახებ ინფორმაციას სააგენტო Reuters-ი ავრცელებს.
აშშ-ის პრეზიდენტის, დონალდ ტრამპის ცნობით, ლონდონში დაგეგმილ მოლაპარაკებებში აშშ-ის დელეგაციას სახაზინო მდივანი სკოტ ბესენტი, ვაჭრობის მდივანი ჰოვარდ ლუტნიკი და სავაჭრო წარმომადგენელი ჯემისონ გრირი წარმოადგენენ.
„შეხვედრამ ძალიან კარგად უნდა ჩაიაროს“, - განაცხადა დონალდ ტრამპმა.
ჩინეთის საგარეო საქმეთა სამინისტროში განაცხადეს, რომ აშშ-თან ეკონომიკური და სავაჭრო კონსულტაციების მიზნით ლონდონში ქვეყნის ვიცე-პრემიერი, ჰე ლიფენგი ჩავა.
შეგახსენებთ, აშშ-სა და ჩინეთის დელეგაციები ერთმანეთს გასულ თვეში შეხვდნენ. ჟენევაში გამართულ მოლაპარაკებებზე მხარეებმა 90-დღიან შეთანხმებას მიაღწიეს, რომლითაც ერთმანეთის წინააღმდეგ დაწესებული ტარიფები შეამცირეს.
v-if="article.gallery" v-html="article.gallery"
