დონალდ ტრამპი - ყველას, ვისაც შაბათს დაგეგმილი სამხედრო აღლუმის წინააღმდეგ პროტესტის გამოხატვა სურს, ძალიან მძიმე ძალა დახვდება

ყველას, ვისაც შაბათს დაგეგმილი სამხედრო აღლუმის წინააღმდეგ პროტესტის გამოხატვა სურს, ძალიან მძიმე ძალა დახვდება, - ამის შესახებ აშშ-ის პრეზიდენტმა, დონალდ ტრამპმა განაცხადა.

„მე პროტესტის შესახებ არც კი მსმენია, მაგრამ, იცით, რომ ეს ის ხალხია, ვისაც ჩვენი ქვეყანა სძულს, მაგრამ მათ ძალიან მძიმე ძალა დახვდებათ“, - განაცხადა დონალდ ტრამპმა.

მისი თქმით, აშშ-ის არმიის 250 წლის იუბილეს აღსანიშნავად დაგეგმილი აღლუმი, რომელიც ვაშინგტონის ცენტრში შაბათს გაიმართება, შესანიშნავი იქნება.

„14 ივნისს შესანიშნავი აღლუმი და დროშის დღე გვექნება. საოცარი დღე იქნება. ტანკები და თვითმფრინავები იქნება. ვფიქრობ, ეს შესანიშნავი იქნება“, - აღნიშნა აშშ-ის პრეზიდენტმა.

ცნობისთვის, შაბათს აშშ-ის პრეზიდენტი, დონალდ ტრამპი 79-ე დაბადების დღეს აღნიშნავს.