სამხედრო კონფლიქტის წარმოქმნის შემთხვევაში, რეგიონში მდებარე აშშ-ის სამხედრო ბაზებს მიზანში ამოვიღებთ, - ამის შესახებ ირანის თავდაცვის მინისტრმა, აზიზ ნასირზადემ განაცხადა.

„მეორე მხარის ზოგიერთი ოფიციალური პირი კონფლიქტით იმუქრება, თუ მოლაპარაკებები ჩაიშლება. თუ კონფლიქტს თავს იძულებით მოგვახვევენ, აშშ-ის ბაზები ჩვენთან ახლოს არის და მათ მიზანში ამოვიღებთ“, - განაცხადა ირანის თავდაცვის მინისტრმა.

აშშ-ის პრეზიდენტის, დონალდ ტრამპის ცნობით, ირანსა და აშშ-ს შორის ბირთვული მოლაპარაკებები ხუთშაბათს არის დაგეგმილი, თუმცა ირანულმა მხარემ განაცხადა, რომ დელეგაციებს შორის შეხვედრა კვირას, ომანში გაიმართება.

ამასთან, დონალდ ტრამპმა გუშინ აღნიშნა, რომ ირანი ბირთვული მოლაპარაკებების პროცესში „ბევრად უფრო აგრესიული“ ხდება.