რუსთაველის გამზირზე უწყვეტი პროტესტი გრძელდება.

აქციის მონაწილეებმა საავტომობილო მოძრაობა დღესაც გადაკეტეს.

მოქალაქეები უკვე 200 დღეა გამოხატავენ პროტესტს.

აქციის მონაწილეები ახალი არჩევნების ჩატარებას და აქციაზე დაკავებულების გათავისუფლებას მოითხოვენ.

ისინი სკანდირებენ: "ცეცხლი ოლიგარქიას! თავისუფლება რეჟიმის ტყვეებს!". მათ თან აქვთ სხვადასხვა წარწერით ბანერი, ასევე საქართველოსა და ევროკავშირის დროშები.