„წარმატებები“ - ასე უპასუხა აშშ-ის პრეზიდენტმა დონალდ ტრამპმა, როდესაც ჰკითხეს ირანის უზენაესი ლიდერის მიმართვაზე, სადაც ხამენეი ამბობს, რომ მისი ქვეყანა „არასდროს დანებდება“ ისრაელთან კონფლიქტში.

„წარმატებები“, - განაცხადა ტრამპმა.

კითხვაზე, თუ როდის ამოიწურება მისი მოთმინება ირანის მიმართ, ტრამპმა უპასუხა: „ის უკვე ამოიწურა - სწორედ ამიტომ ვაკეთებთ იმას, რასაც ვაკეთებთ“.

ტრამპმა ასევე აღნიშნა, რომ ყოველდღიურად ესაუბრებოდა ისრაელის პრემიერ-მინისტრ ბენიამინ ნეთანიაჰუს და შეაქო თავისი კოლეგა.

ტრამპს ასევე ჰკითხეს, რეგიონული დაძაბულობის ფონზე ისრაელის ლიდერისთვის გზავნილის შესახებ, რაზეც ტრამპა განაცხადა: „მე ვუთხარი: განაგრძეთ“.

„მე მას [ნეთანიაჰუს] ყოველდღე ვესაუბრები“, - განაცხადა ტრამპმა და დასძინა: „ის კარგი ადამიანია, ბევრს აკეთებს“.