ირანში ისრაელთან ომში დაღუპული გენერლებისა და მეცნიერების დაკრძალვის ცერემონია მიმდინარეობს, - ამის შესახებ ინფორმაციას სააგენტო „ფრანს-პრესი“ ირანის სახელმწიფო ტელევიზიაზე დაყრდნობით ავრცელებს.

ისრაელთან 12-დღიან ომში დაღუპული ირანის ისლამური რევოლუციის გუშაგთა კორპუსის მეთაურის, სხვა მაღალი რანგის მეთაურებისა და ბირთვული მეცნიერების დაკრძალვის ცერემონიაზე თეირანის ქუჩებში ათასობით ადამიანი გამოვიდა.

ცნობისთვის, ირანის ისლამური რევოლუციის გუშაგთა კორპუსის (IRGC) მეთაური ჰოსეინ სალამი, ომის პირველ დღეს, 13 ივნისს დაიღუპა.

სააგენტო Reuters-ის ინფორმაციით, ისრაელის იერიშების შედეგად 30 ირანელი მაღალი რანგის სამხედრო პირი და 11 ბირთვული მეცნიერი დაიღუპა.