აშშ-ის პრეზიდენტი დონალდ ტრამპი აცხადებს, რომ მომდევნო თვიდან კანადისთვის 35%-იანი ტარიფების დაწესებას გეგმავს.

სოციალურ ქსელში გამოქვეყნებულ წერილში ტრამპმა კანადის პრემიერ-მინისტრ მარკ კარნის განუცხადა, რომ ახალი ტარიფები 1-ელი აგვისტოდან ამოქმედდებოდა, იმ შემთხვევაში კი, თუ კანადა საპასუხო ზომებს მიიღებს - საექსპორტო ტარიფები კვლავ გაიზრდება.

როგორც Reuters წერს, აშშ-მექსიკა-კანადის სავაჭრო შეთანხმებით (USMCA) გათვალისწინებულ საქონელს სავარაუდოდ, გამონაკლისი შეეხება და ძალაში დარჩება ენერგიასა და სასუქებზე 10%-იანი ტარიფები, თუმცა ტრამპს ამ საკითხებთან დაკავშირებით საბოლოო გადაწყვეტილება ჯერ არ მიუღია.