რუსებმა ხარკოვს დაარტყეს, არიან დაშავებულები, - ამის შესახებ ინფორმაციას უკრაინული მედია ავრცელებს.

ქალაქ ხარკოვის მერის, იგორ ტერეხოვის ცნობით, რუსულმა ძალებმა თავდასხმისას მართვადი საავიაციო ბომბები და დრონები გამოიყენეს, რის შედეგადაც, სულ მცირე, ორი ადამიანი დაშავდა.

„დარტყმა ხარკოვის კიევის რაიონის საცხოვრებელ უბანზე განხორციელდა. არიან დაშავებულები“, - აღნიშნა იგორ ტერეხოვმა.

ხარკოვის მერის ინფორმაციით, რუსული ძალების იერიშის შედეგად, კრიტიკული ინფრასტრუქტურის ობიექტი, საცხოვრებელი შენობები და ავტომობილები დაზიანდა.