დონალდ ტრამპი გაერთიანებულ სამეფოს ეწვევა
აშშ-ის პრეზიდენტი, დონალდ ტრამპი 17-19 სექტემბერს გაერთიანებულ სამეფოში მეორე სახელმწიფო ვიზიტს განახორციელებს.
მედიის ინფორმაციით, აშშ-ის პრეზიდენტს უინძორის ციხესიმაგრეში მეფე ჩარლზ III და დედოფალი კამილა უმასპინძლებენ.
სასახლემ დაადასტურა, რომ ტრამპი გაერთიანებულ სამეფოს სამდღიანი ვიზიტის დროს მეუღლესთან, მელანია ტრამპთან ერთად ეწვევა.
ღონისძიებების სრული პროგრამა ჯერ არ გამოცხადებულა, თუმცა ამ ტიპის ყველა ვიზიტის მსგავსად, ის მოიცავს სრულ საზეიმო დახვედრას და სახელმწიფო ბანკეტს უინძორის ციხესიმაგრის წმინდა გიორგის დარბაზში.
აღსანიშნავია, რომ ტრადიციულად, პრეზიდენტებს მეორე ვადის დროს სახელმწიფო ვიზიტს არ სთავაზობენ და მათ მონარქთან ჩაიზე ან სადილზე იწვევენ. ტრამპი გაერთიანებულ სამეფოში სახელმწიფო ვიზიტით 2019 წელს იმყოფებოდა, როდესაც მას დედოფალმა ელისაბედ II-მ უმასპინძლა.
