თეთრი სახლი ადასტურებს, რომ აშშ-ის პრეზიდენტმა, დონალდ ტრამპმა უკრაინის პრეზიდენტს ვოლოდიმირ ზელენსკის “მოსკოვზე დატყმის” შესაძლებლობის შესახებ კითხვა დასუვა, თუმცა მას „მეტი მკვლელობები“ არ წაუხალისებია. ამის შესახებ თეთრი სახლის პრესსპიკერმა, კაროლინ ლევიტმა Newsweek-თან კომენტარში განაცხადა.

კერძოდ, მანამდე გამოცემები Financial Times და The Washington Post ინფორმაციას ავრცელებდნენ, რომ სატელეფონო საუბრის დროს ტრამპმა ზელენსკის ჰკითხა, შეუძლია თუ არა უკრაინას მოსკოვსა და სანქტ-პეტერბურგზე დარტყმების განხორციელება.

Financial Times-ის წყაროს ცნობით, ტრამპს სურდა, რომ “მათ [რუსეთს] ტკივილი ეგრძნოთ” და რუსეთი სამშვიდობო მოლაპარაკებებისკენ ებიძგა. Washington Post-ის ინფორმაციით კი, ზელენსკიმ დაადასტურა, რომ უკრაინას რუსეთის დედაქალაქზე დარტყმის განხორციელება შეუძლია “თუ საჭირო იარაღს მოგვცემთ”.

ამ ცნობების კომენტირებისას თეთრი სახლის პრესმდივანმა Financial Times-ს “ნახვების მოსაპოვებლად სიტყვების კონტექსტიდან ამოგლეჯა” დააბრალა.

“პრეზიდენტი ტრამპი უბრალოდ კითხვას სვამდა, მეტ მკვლელობას არ ახალისებდა. დაუღალავად მუშაობს მკვლელობების შესაჩერებლად და ამ ომის დასასრულებლად”, - განაცხადა ლევიტმა.