რუსეთმა უკრაინას 1000 ჯარისკაცის ცხედარი გადასცა, - ამის შესახებ ინფორმაციას რუსული მედია რუსეთის პრეზიდენტის თანაშემწესა და უკრაინასთან მოლაპარაკებებში რუსეთის დელეგაციის ხელმძღვანელზე, ვლადიმერ მედინსკიზე დაყრდნობით ავრცელებს.

„სტამბოლის შეთანხმებების შესაბამისად, დღეს უკრაინას უკრაინის შეიარაღებული ძალების კიდევ 1000 ცხედარი გადაეცა“, - განაცხადა ვლადიმერ მედინსკიმ.

მედინსკის განცხადებით, გაცვლის ფარგლებში უკრაინამ რუსეთს 19 რუსი სამხედროს ცხედარი გადასცა.

შეგახსენებთ, სტამბოლში 2 ივნისს გამართულ მოლაპარაკებებზე უკრაინა და რუსეთი 6000 დაღუპული სამხედროს ცხედრების გაცვლის შესახებ შეთანხმდნენ.