პარტია ,,ხალხისთვის“ თავმჯდომარის ანა დოლიძის განცხადებით, კარგი იქნება, თუ თავად „ნაციონალური მოძრაობა“ აჩვენებს გაერთიანებას, რადგანაც „ათას წვრილმანად დაშლილები თუ მოახერხებენ დიალოგს და გაერთიანებას, ეს კარგი მაგალითი იქნება“.

აღნიშნულით ანა დოლიძე პარტიების გაერთიანების საკითხს გამოეხმაურა.

,,მეგობრებო, გვესმის გაერთიანების შესახებ მოწოდებები, ძირითადად „ნაციონალების“ რომელიმე ფრთიდან. ვფიქრობ, კარგი იქნება, თუ თავად „ნაციონალები“ გვიჩვენებენ კარგ მაგალითს და გაერთიანდებიან. ათას წვრილმანად დაშლილები თუ მოახერხებენ დიალოგს და გაერთიანებას, ეს კარგი მაგალითი იქნება. წესით არ უნდა გაჭირდეს“, - წერს ანა დოლიძე „ფეისბუქზე“.