გასული ღამის განმავლობაში რუსულმა ძალებმა ნიკოლაევზე სარაკეტო შეტევა განახორციელეს, რის შედეგადაც სამი კერძო სახლი განადგურდა და ხანძარი გაჩნდა.

ნიკოლაევის რეგიონული სამხედრო ადმინისტრაციის ხელმძღვანელმა ვიტალი კიმმა განაცხადა, რომ დაზიანდა 23 კერძო სახლი, 12 საცხოვრებელი კორპუსი, ექვსი მანქანა, ფოსტის შენობა და სამშენებლო მასალების მაღაზია.

„შვიდი ადამიანი დაშავდა - ოთხ მათგანს ადგილზე სამედიცინო დახმარება გაუწიეს. დილის მონაცემებით, 57 წლის და 74 წლის მამაკაცები საავადმყოფოში საშუალო სიმძიმის მდგომარეობაში იმყოფებიან. მათ სიცოცხლეს საფრთხე არ ემუქრება“, - განაცხადა კიმმა.