ლატვია შეუერთდება ნატო-ს ინიციატივას, რომელიც უკრაინისთვის ამერიკული იარაღის მიწოდებას ითვალისწინებს და ამისთვის მინიმუმ 2 მილიონ ევროს გამოყოფს, - მედიის ინფორმაციით, ამის შესახებ პრემიერ-მინისტრმა ევიკა სილინამ მთავრობის სხდომის შემდეგ განაცხადა.

ლატვიის მთავრობის სხდომაზე განიხილეს ნატო-ს ინიციატივაში მონაწილეობა უკრაინისთვის საჭირო ამერიკული იარაღის მიწოდების შესახებ.

„ამ ინიციატივაში ლატვიის ფინანსური წვლილის მოცულობა დაზუსტდება, მაგრამ ის არანაკლებ 2 მილიონი ევრო იქნება“, - განაცხადა პრემიერ-მინისტრმა.

ცნობისთვის, აშშ-მა და ნატო-მ უკრაინისთვის ამერიკული იარაღის მიწოდების ახალი მექანიზმი - უკრაინის პრიორიტეტული მოთხოვნების სია (Priority Ukraine Requirements List (PURL)) აამოქმედეს, რომელიც ალიანსის სხვა წევრების შენატანებიდან დაფინანსებას ითვალისწინებს.