რუსებმა უკრაინული ქალაქ სუმის ცენტრი დაბომბეს. ამის შესახებ განცხადებას სუმის საოლქო სახელმწიფო ადმინისტრაციის ხელმძღვანელი, ოლეგ გრიგოროვი ავრცელებს.

„მტერმა ქალაქ სუმის ცენტრალურ ნაწილს დაარტყა - სამოქალაქო ინფრასტრუქტურას. დარტყმის ადგილზე ხანძარი გაჩნდა. ყველა სამაშველო სამსახური მუშაობს“, - წერს გრიგოროვი.

მას არ დაუზუსტებია კონკრეტულად რით განახორციელეს ოკუპანტებმა დარტყმა. ამ მომენტისთვის ზუსტდება დაშავებულების შესახებ ინფორმაცია.

ადგილობრივი მცხოვრებლები უკრაინულ მედიას ცენტრალურ ბაზრობაზე დარტყმის შედეგად გაჩენილი ხანძრის ფოტოებს უზიარებენ.