უკრაინის საჰაერო ძალების განცხადებით, ავიაკატასტროფის შედეგად, „მიგ-29“ ტიპის გამანადგურებლის პილოტი დაიღუპა.

უკრაინის საჰაერო ძალების ცნობით, პილოტი საბრძოლო დავალების შესრულების შემდეგ, „მიგ-29“ ტიპის გამანადგურებლით დაშვებისას დაიღუპა. „მიგ-29 ტიპის გამანადგურებლის პილოტი, 1979 წელს დაბადებული, მაიორი სერგეი ბონდარი დაშვებისას დაიღუპა“, - აცხადებს უკრაინის საჰაერო ძალები.

ავიაკატასტროფის გამომწვევი მიზეზებისა და გარემოებების დასადგენად გამოძიება მიმდინარეობს.