რუსულმა ძალებმა უკრაინას 95 დრონით შეუტიეს, - ამის შესახებ ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს.

უკრაინის საჰაერო ძალების განცხადებით, რუსების მიერ გაშვებული სხვადასხვა ტიპის 74 დრონი გაანეიტრალეს.

„დრონებით დარტყმები 9 ლოკაციაზე დაფიქსირდა“, - აცხადებენ უკრაინის საჰაერო ძალებში.

ამასთან, უკრაინული მედიის ცნობით, რუსულმა ძალებმა პოლტავის ოლქში ენერგეტიკულ ობიექტებზე მასიური დარტყმები განახორციელეს, რამაც ხანძარი გამოიწვია და მოსახლეობის ნაწილი ელექტროენერგიის გარეშე დარჩა.