პარლამენტთან მიმდინარე საპროტესტო აქციების დროს ჯგუფური ძალადობის ორგანიზების და მასში მონაწილეობის ბრალდებით დაკავებული ზვიად ცეცხლაძისა და კიდევ შვიდი პირის საქმის მოსამართლე, თამარ მჭედლიშვილი სათათბიროდ გავიდა. როგორც მან აღნიშნა, საქმეზე განაჩენს სავარაუდოდ, 2 სექტემბერს გამოაცხადებს. დღევანდელ

სხდომაზე ბრალდებულების ადვოკატებმა დასკვნითი სიტყვით ისარგებლეს. ასევე, საბოლოო სიტყვა წარმოთქვეს თავად ბრალდებულებმა და განმარტეს, რომ თავს უდანაშაულოდ ცნობენ.

ცნობისთვის, დაკავებული 8 პირიდან სამს - ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან. მათ 6-დან 9-წლამდე თავისუფლების აღკვეთა ემუქრებათ.

ბრალდებულებიდან ხუთს - გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს ჯგუფურ ძალადობაში მონაწილეობას ედავებიან. მათ 4-დან 6-წლამდე თავისუფლების აღკვეთა ემუქრებათ.