ნატო-უკრაინის საბჭოს სხდომაზე მხარეებმა უკრაინის საჰაერო თავდაცვის გაძლიერების საკითხი განიხილეს, - ამის შესახებ განცხადებას უკრაინის საგარეო საქმეთა სამინისტრო ავრცელებს.

„უკრაინულმა მხარემ ნატოს წევრ ქვეყნებს მოუწოდა, რომ უკრაინას საჰაერო თავდაცვის გაძლიერებაში დაეხმარონ, კერძოდ Patriot-ის სისტემებითა და რაკეტებით“, - აცხადებს უკრაინის საგარეო უწყება.

უკრაინის საგარეო საქმეთა სამინისტროს განცხადებით, „შეხვედრაზე ხაზი გაესვა შორ მანძილზე მოქმედი რაკეტების საჭიროებას“.

ასევე, განცხადებაში აღნიშნულია, რომ ნატო-ს წევრმა ქვეყნებმა გასულ კვირას, რუსეთის მიერ უკრაინის ქალაქებზე განხორციელებული თავდასხმები დაგმეს.