ლევან ხაბეიშვილის ადვოკატები აცხადებენ, რომ უფლებადამცველებს ხაბეიშვილთან არ უშვებენ - ასევე, სახალხო დამცველს მოუწოდებენ, დაკავებული მოინახულოს
„ნაციონალური მოძრაობის“ ერთ-ერთი ლიდერის, ლევან ხაბეიშვილის ადვოკატები სახელმწიფო უსაფრთხოების სამსახურსა და სახალხო დამცველს, ლევან იოსელიანს მიმართავენ.
როგორც ადვოკატმა ლაშა ტყეშელაძემ განაცხადა, უკვე 2 საათია, რაც დაკავებულ ხაბეიშვილთან ადვოკატებს არ უშვებენ.
როგორც ის აღნიშნავს, იმისათვის, რომ ხაბეიშვილს სწრაფი იურიდიული მომსახურება გაეწიოს, მასთან უფლებადამცველები უნდა შეუშვან.
ტყეშელაძე სახალხო დამცველს მოუწოდებს, უწყებასთან გამოცხადდეს და დაკავებული პოლიტიკოსი მოინახულოს.
