ევროპარლამენტის პრეზიდენტი, რობერტა მეცოლა კიევში ჩავიდა, - ამის შესახებ ის სოციალურ პლატფორმა X-ში თავად იუწყება.

„შემდეგი გაჩერება: კიევი“, - წერს ევროპარლამენტის პრეზიდენტი.

უკრაინის დედაქალაქში მეცოლას ჩასვლის შესახებ სოციალურ ქსელში წერს უკრაინელი დეპუტატი, ალექსეი გონჩარენკოც. მისი ინფორმაციით, მოსალოდნელია, რომ ოფიციალური პირი უმაღლეს რადაში სიტყვით გამოვა.

„ევროპარლამენტის ხელმძღვანელი, რობერტა მეცოლა კიევში ჩამოვიდა. იგეგმება უმაღლეს რადაში სიტყვით გამოსვლა“, - აცხადებს გონჩარენკო.