უკრაინა მალე დღეში მინიმუმ 1 000 დრონის გამოყენებას დაიწყებს, რუსული დრონების მასიური თავდასხმებისგან თავის დასაცავად, - ამის შესახებ უკრაინის თავდაცვის მინისტრმა, დენის შმიგალმა განაცხადა.

მისი თქმით, რუსეთი ერთ ღამეში, უკრაინის წინააღმდეგ, ზოგჯერ, 800-მდე დრონს იყენებს, ამიტომ უკრაინას დღეში მინიმუმ 1 000 დრონი სჭირდება მათ გასანეიტრალებლად.

„ამ დონეს მივაღწევთ. ვერ ვიტყვი, რა არის ამჟამინდელი დონე, მაგრამ უახლოეს მომავალში ამის მიღწევა მოხდება“, - აღნიშნა შმიგალმა.

მისი თქმით, პრობლემა და სირთულე არსებობს მიწისზედა კონტროლის სისტემების, რადარებისა და სხვა ელემენტების არსებობაში, რომლებიც ხელოვნურ ინტელექტს იყენებენ.

„ეს დიდი კომპლექსია და მის განხორციელებას ცოტა დრო დასჭირდება. თუმცა, ჩვენ თავდაჯერებულად, გრაფიკის მიხედვით მივდივართ ამ მიზნისკენ“, - აღნიშნა შმიგალმა.