ღამით რუსეთმა კიევზე დრონებითა და რაკეტებით მასშტაბური იერიში მიიტანა, ცივსისხლიანად დაესხა თავს მშვიდობიან მოსახლეობას. დადასტურებულია, რომ დაღუპულებს შორის არიან ბავშვი და სამედიცინო პერსონალი, - ასე ეხმაურება ფინეთის პრეზიდენტი, ალექსანდრ სტუბი რუსეთის მიერ უკრაინის წინააღმდეგ განხორციელებულ თავდასხმას.

„გაეროს გენერალური ასამბლეის კვირეულის შემდეგ მომხდარი ეს სასტიკი თავდასხმა აშიშვლებს რუსეთის მიერ ომის შესახებ გავრცელებულ ცრუ ნარატივებს და კიდევ ერთხელ აჩვენებს აგრესორის ნამდვილ სახეს მსოფლიოს“, - წერს სტუბი.

მისი თქმით, დროა, ევროკავშირის სანქციების შემდეგი პაკეტი დამტკიცდეს და რუსეთის ომის მანქანაზე ზეწოლა გაგრძელდეს.