ისრაელის პრემიერ-მინისტრი, ბენიამინ ნეთანიაჰუ თეთრ სახლში მივიდა, - ინფორმაციას Reuters-ი ავრცელებს.

ისრაელის პრემიერ-მინისტრს, ბენიამინ ნეთანიაჰუს თეთრ სახლში აშშ-ის პრეზიდენტი, დონალდ ტრამპი დახვდა.

გამოცემის ცნობით, შეხვედრაზე დონალდ ტრამპი და ბენიამინ ნეთანიაჰუ ღაზაში ომის დასრულებისა და სამშვიდობო შეთანხმების საკითხებს განიხილავენ.

BBC-ი წერს, რომ როდესაც ტრამპი ნეთანიაჰუს მიესალმა, ერთ-ერთი ჟურნალისტის კითხვაზე: „დარწმუნებული ხართ, რომ ღაზაში მალე მშვიდობა დამყარდება?“, ტრამპმა უპასუხა: „მე ძალიან დარწმუნებული ვარ“.

ცნობისთვის, გუშინ დონალდ ტრამპმა სოციალურ ქსელში დაწერა, რომ „ახლო აღმოსავლეთში „დიდების მისაღწევად“ რეალური შანსი არსებობს“.

„ყველანი მზად ვართ რაღაც განსაკუთრებულისთვის. ჩვენ ამას აუცილებლად გავაკეთებთ!!!“, - აღნიშნა აშშ-ის პრეზიდენტმა.