ტელეკომპანია „იმედის“ დაკვეთით, კომპანია GORBI-მ ქვეყნის მასშტაბით საზოგადოებრივი აზრის კვლევა ჩაატარა.

კითხვაზე: „ადგილობრივი თვითმმართველობის არჩევნები ამ კვირას რომ ტარდებოდეს, ვის მისცემდით ხმას შემდეგი პარტიებიდან და კოალიციებიდან საქართველოს მასშტაბით“, შედეგები ასე გადანაწილდა:

„ქართულ ოცნებას“ მხარს უჭერს გამოკითხული მოქალაქეების - 66,4 პროცენტი;

„ძლიერი საქართველო ლელოს“ - 10,3 პროცენტი;

„გირჩს“ - 9,3 პროცენტი;

„გახარია საქართველოსთვის“ 8,7 პროცენტი;

„საქართველოს პატრიოტთა ალიანსს“ აქვს მოქალაქეთა 2,2 პროცენტიანი მხარდაჭერა;

ყველა სხვა პარტიას კი ჯამურად 3,1 პროცენტი.

კვლევის მიხედვით, კითხვაზე: ადგილობრივი თვითმმართველობის არჩევნები ამ კვირას რომ ტარდებოდეს, ვის მისცემდით ხმას შემდეგი პარტიებიდან და კოალიციებიდან? თბილისში შედეგები ასე გადანაწილდა:

„ქართულ ოცნებას“ მხარს უჭერს - 59,1 %;

„ძლიერი საქართველო ლელოს“ - 13,7%;

„გირჩს“ - 12,6%;

„გახარია საქართველოსთვის“ - 9,6%;

„საქართველოს პატრიოტთა ალიანსს" - 2,8 %;

სხვა პარტიებმა კი ჯამურად მიიღეს 2,2 %.

ამასთან, კითხვაზე, „თბილისის მერის არჩევნები რომ ამ კვირას ტარდებოდეს, ვის მისცემდით ხმას შემდეგი კანდიდატებიდან?“ - შედეგები კი ასე გადანაწილდა:

კახა კალაძეს - „ქართული ოცნების“ მერობის კანდიდატი - 66,5%

ირაკლი კუპრაძეს - „ძლიერი საქართველო “ - 13,5%;

იაგო ხვიჩიას - „გირჩის“ კანდიდატს კი 13%;

სხვა კანდიდატებს საერთო ჯამში გამოკითხულთა 7% უჭერს მხარს.

ტელეკომპანიის ინფორმაციით, გამოკითხვა ჩატარდა პირისპირ ინტერვიუს მეთოდით, 6-25 სექტემბრის პერიოდში, თბილისში, ქუთაისში, ბათუმში, რუსთავში, ზუგდიდში, ხაშურსა და თელავში. გამოიკითხა ორი ათასი ადამიანი. ცდომილების ზღვარი ქვეყნის მასშტაბით +/- 3 პროცენტია.