რუსეთსა და ამერიკას შორის მოლაპარაკებების მესამე რაუნდი შემოდგომის ბოლომდე გაიმართება, - ამის შესახებ რუსეთის საგარეო საქმეთა მინისტრის მოადგილემ, სერგეი რიაბკოვმა განაცხადა.

„ეს შემოდგომის ბოლომდე აუცილებლად მოხდება. ჯერჯერობით ზუსტი თარიღი შეთანხმებული არ არის და ყველაფერი განიხილება“, - განაცხადა რიაბკოვმა.

ასევე, მისი თქმით, რუსეთი პირდაპირი ფრენების აღდგენის საკითხს ამერიკელების წინაშე მუდმივად აყენებს.

„ამ საკითხს ყოველთვის ვაყენებთ. ეს ერთ-ერთი ის საკითხია, რომელზეც კონსულტაციების დროს ვმუშაობთ. ამჟამად ვაშინგტონში რუსული მხარისგან მიღებულ რამდენიმე კონკრეტულ წინადადებას განიხილავენ“, - აღნიშნა რუსეთის საგარეო საქმეთა მინისტრის მოადგილემ.