ჩეხეთის საპარლამენტო არჩევნებზე ხმის მიცემა დასრულდა, - ინფორმაციას Reuters-ი ავრცელებს.

ჩეხეთის საპარლამენტო არჩევნებზე, რომელიც ორი დღის განმავლობაში მიმდინარეობდა, ხმის მიცემა ადგილობრივი დროით 14:00 საათზე დასრულდა.

2025 წლის საპარლამენტო არჩევნების შედეგები რამდენიმე საათში გახდება ცნობილი.

Reuters-ი წინასწარ გამოკითხვებზე დაყრდნობით წერს, რომ არჩევნებში პირველ ადგილს ყოფილი პრემიერ-მინისტრის, ანდრეი ბაბიშის პოპულისტური ოპოზიციური პარტია, ANO დაიკავებს და ხმების 28-30%-ს მიიღებს. თუმცა, სავარაუდოდ, პარლამენტში უმრავლესობის მოპოვებას ვერ შეძლებს და კოალიციის შექმნის მიზნით პარტნიორების პოვნა მოუწევს.

წინასწარი გამოკითხვების თანახმად, მმართველი ცენტრისტული მემარჯვენე კოალიცია „ერთად“ (Spolu), სავარაუდოდ, ხმების 20-22%-ს მიიღებს.

ჩეხეთის პრეზიდენტის, პეტრ პაველის განცხადებით, საპარლამენტო არჩევნების შემდეგ კოალიციის ფორმირების შესახებ მოლაპარაკებები მარტივი არ იქნება.