რელიგიის საკითხთა სახელმწიფო სააგენტო ეზიდ თემს ჯამაია შიხადის დღესასწაულს ულოცავს.

„რელიგიის საკითხთა სახელმწიფო სააგენტო საქართველოს ეზიდ თემს დღესასწაულს ულოცავს. დღეს ეზიდთათვის განკაცებული ღმერთის, შეიხ ადის ხსოვნის პატივსაცემად მომლოცველთა საყოველთაო შეკრების დღეები იწყება. 6-13 ოქტომბერს ეზიდი თემი ჯამაია შიხადის ზეიმობს. 7 დღის მანძილზე ყოველდღიური რიტუალები ტარდება, მეშვიდე დღეს კი სრულდება რიტუალური ანგელოზთა ცეკვა, რომლის დროსაც მომლოცველები, მათი რწმენით, სულიერად იწმინდებიან“,-აღნიშნულია მილოცვაში.