გამოცემა Axios - სტივ უიტკოფი და ჯარედ კუშნერი ღაზაში ომის დასრულების შესახებ მოლაპარაკებებს შეუერთდნენ
სტივ უიტკოფი და ჯარედ კუშნერი ღაზაში ომის დასრულების შესახებ მოლაპარაკებებს შეუერთდნენ, - ინფორმაციას გამოცემა Axios-ი ავრცელებს.
გამოცემის ცნობით, აშშ-ის პრეზიდენტის დონალდ ტრამპის სიძე, ჯარედ კუშნერი და ახლო აღმოსავლეთში სპეციალური წარმომადგენელი, სტივ უიტკოფი და დღეს ეგვიპტეში ჩავიდნენ და ისრაელ -„ჰამასს“ შორის მიმდინარე არაპირდაპირ მოლაპარაკებებს შეუერთდნენ.
ღაზაში ომის დასრულების შესახებ მოლაპარაკებები ეგვიპტის ქალაქ შარმ-ელ-შეიხში უკვე მესამე დღეა მიმდინარეობს.
დღეს მოლაპარაკებებს კატარის პრემიერ-მინისტრი, მოჰამედ ბინ აბდულ რაჰმან ალ-ტანიც შეუერთდება.
