ვოლოდიმირ ზელენსკი ხვალ ბრიუსელში ევროპული საბჭოს სამიტს დაესწრება, - ინფორმაციას ევროპული საბჭოს პრეზიდენტი, ანტონიო კოშტა სოციალურ ქსელში ავრცელებს.

„მოხარული ვარ, რომ ხვალ ევროპული საბჭოს სამიტზე პრეზიდენტ ზელენსკის ვუმასპინძლებ. განვიხილავთ, თუ როგორ გავაგრძელოთ რუსეთის აგრესიის წინაშე უკრაინის მხარდაჭერა. ჩვენი ერთგულება მყარია. კურსი ნათელია. მშვიდობის მიღწევის მიზნით რუსეთზე ზეწოლის გაზრდასა და უკრაინის გაძლიერებას გავაგრძელებთ“, - წერს ანტონიო კოშტა X-ზე.

ცნობისთვის, ევროკავშირის წევრი სახელმწიფოების ლიდერები ხვალ ბრიუსელში ევროპული საბჭოს სამიტზე შეიკრიბებიან, სადაც უკრაინისა და ევროპული თავდაცვის საკითხებს განიხილავენ.