რუსთაველის გამზირზე უწყვეტი პროტესტი გრძელდება. აქციის მონაწილეები თავდაპირველად პარლამენტთან, ტროტუარზე შეიკრიბნენ, შემდეგ კი საავტომობილო მოძრაობა გადაკეტეს. პროტესტის მონაწილეებმა ცოცხალი ჯაჭვი გააკეთეს.

ამის შემდეგ პოლიციამ აქციის მონაწილეებს მოუწოდა გზის სავალი ნაწილიდან გადასულიყვნენ. ამ დროისთვის, პოლიციამ რუსთაველის გამზირზე საავტომობილო მოძრაობა გახსნა, მოქალაქეები კი პროტესტს ტროტუარზე განაგრძობენ.

პროტესტის პარალელურად, პარლამენტთან, სადაც კარვებია გაშლილი, ამ დროისთვის 5 ადამიანი შიმშილობს.

რუსთაველის გამზირზე შეკრებილთა მოთხოვნები უცვლელია - დაინიშნოს ახალი არჩევნები და გათავისუფლდნენ პროტესტის ფარგლებში დაკავებული პირები.