ვაშინგტონს დონალდ ტრამპსა და ვლადიმერ პუტინს შორის სატელეფონო საუბრის გამართვა არ უთხოვია, - ამის შესახებ კრემლის პრესსპიკერმა, დიმიტრი პესკოვმა განაცხადა.

„საუბრის შესახებ თხოვნა არ ყოფილა. კიდევ ერთხელ ვიმეორებ, რომ საჭიროების შემთხვევაში საუბრის სწრაფად ორგანიზება შესაძლებელია“, - განაცხადა პესკოვმა.

ასევე, პესკოვის ცნობით, დღეს რუსეთის პრეზიდენტი, ვლადიმერ პუტინი ყაზახეთის პრეზიდენტს კასიმ-ჟომარტ ტოკაევს შეხვდება.

„საღამოს, რუსეთში ყაზახეთის პრეზიდენტის ოფიციალური ვიზიტის ფარგლებში, პუტინსა და ტოკაევს შორის საუბარია დაგეგმილი. ეს ძალიან მნიშვნელოვანი საუბარია“, - აღნიშნა პესკოვმა.