ესპანეთი უკრაინისთვის აშშ-სგან 1 მილიარდი ევროს ღირებულების იარაღს შეიძენს, - ინფორმაციას Sky News-ი ავრცელებს.

ესპანეთის საგარეო საქმეთა სამინისტროს ცნობით, ქვეყანა ნატო-ს ინიციატივა PURL-ის ფარგლებში აშშ-სგან უკრაინისთვის შეიარაღების შესაძენად 1 მილიარდ ევროს გამოყოფს.

გამოცემის ინფორმაციით, მადრიდში ვიზიტით მყოფი უკრაინის პრეზიდენტი, ვოლოდიმირ ზელენსკი იარაღის მწარმოებელი ესპანური კომპანიების ხელმძღვანელებს შეხვდება.

ცნობისთვის, დღეს მადრიდში ვოლოდიმირ ზელენსკი ესპანეთის პრემიერ-მინისტრთან, პედრო სანჩესთან მოლაპარაკებებს გამართავს.