საპროტესტო მსვლელობის მონაწილეებმა მეტროსადგურ „მარჯანიშვილიდან“ პარლამენტთან გადაინაცვლეს - აქცია საკანონმდებლო ორგანოსთან განახლდა.

მსვლელობის დროს საპროტესტო მსვლელობის მონაწილეებს საპოლიციო ძალები მიუძღვებოდნენ. ისინი მათ გზის გადაკეტვის საშუალებას არ აძლევდნენ.

მანამდე, მეტროსადგურ „მარჯანიშვილამდე” აქციის მონაწილეები „ავლაბრიდან” მეტროს საშუალებით მივიდნენ. მსვლელობისას ისმოდა შეძახილები: „ცეცხლი ოლიგარქიას”, „ბოლომდე”.

მოქალაქეები საკანონმდებლო ორგანოსთან უცვლელი მოთხოვნებით შეიკრიბებიან- დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.