უკრაინის დელეგაცია აშშ-ში გაემგზავრა, - ამის შესახებ ინფორმაციას უკრაინის პრეზიდენტი, ვოლოდიმირ ზელენსკი ავრცელებს.

„უკრაინის ეროვნული უშიშროებისა და თავდაცვის საბჭოს მდივანი და უკრაინის დელეგაციის ხელმძღვანელი რუსტემ უმეროვი, გუნდთან ერთად, უკვე აშშ-სკენ გზაშია“, - წერს ვოლოდიმირ ზელენსკი X-ზე.

უკრაინის პრეზიდენტის ცნობით, აშშ-ში გაფრენამდე რუსტემ უმეროვმა ანგარიში წარუდგინა.

„ამოცანა ნათელია: ომის დასასრულებლად საჭირო ნაბიჯების სწრაფად შემუშავება. უკრაინა აშშ-თან კონსტრუქციულად მუშაობას აგრძელებს. კვირა დღეს მუშაობის შემდეგ ჩვენი დელეგაციის ანგარიშს მოუთმენლად ველი. უკრაინა ღირსეული მშვიდობისთვის მუშაობს“, - აცხადებს უკრაინის პრეზიდენტი.