რუსთაველის გამზირზე შეკრებილი მომიტინგეები მსვლელობას მართავენ
რუსთაველის გამზირზე შეკრებილი აქციის მონაწილეები მსვლელობით მთავრობის ადმინისტრაციისკენ მიემართებიან.
როგორც აქციის მონაწილეები აცხადებენ, მთავრობის ადმინისტრაციასთან იქნება სიტყვით გამოსვლები, შემდეგ კი ისევ საკანონმდებლო ორგანოსთან დაბრუნდებიან.
აქციის მონაწილეები სკანდირებენ: “თავისუფლება სინდისის პატიმრებს, თავისუფლება რეჟიმის ტყვეებს”.
მოქალაქეები თავდაპირველად საკანონმდებლო ორგანოს წინ შეიკრიბნენ. მსვლელობის დაწყებამდე არქიმანდრიტებმა დოროთე ყურაშვილმა და შიო კვარაცხელიამ პარლამენტის წინ პარაკლისი გადაიხადეს.
ერთ წელზე მეტია აქციის მონაწილეები ქვეყანაში ახალი საპარლამენტო არჩევნების ჩატარებასა და აქციაზე დაკავებულების გათავისუფლებას მოითხოვენ.
