საპროტესტო მსვლელობის მონაწილეები პარლამენტთან დაბრუნდნენ. აქციის მონაწილეთა ნაწილმა მარშით რამდენიმე ქუჩა შემოიარა, ნაწილი კი პარლამენტთან დარჩა და ადგილზე გააგრძელა პროტესტი.

მსვლელობის პერიოდში პოლიციასა და დემონსტრანტებს შორის სიტყვიერი დაპირისპირება მოხდა, რაც იმან გამოიწვია, რომ სამართალდამცველები მარშის მონაწილეებს გზის სავალ ნაწილზე სიარულის საშუალებას ვიწრო ჩიხებშიც არ აძლევდნენ. ისინი დემონსტრანტებს ტროტუარზე გადასვლისკენ მოუწოდებდნენ.

ამ დროისთვის საპროტესტო აქცია ისევ პარლამენტთან გრძელდება.