უკრაინის პრეზიდენტმა, ვოლოდიმირ ზელენსკიმ და კანადის პრემიერ-მინისტრმა, მარკ კარნიმ სატელეფონო საუბრის დროს სამშვიდობო მოლაპარაკებების საკითხი განიხილეს.

ინფორმაციას კანადის პრემიერი სოციალურ პლატფორმა X-ზე ავრცელებს.

„ყურადღება გავამახვილეთ სამშვიდობო მოლაპარაკებებზე, რუსეთზე ზეწოლის შენარჩუნებაზე, რათა მან კეთილსინდისიერად აწარმოოს მოლაპარაკებები და უკრაინა მოლაპარაკებების ცენტრში იყოს. კანადა გააგრძელებს პარტნიორებთან მუშაობას სამართლიანი და მდგრადი მშვიდობის მისაღწევად“, - წერს მარკ კარნი.