„მსურველთა კოალიცია“ ხვალ შეხვედრას გამართავს, - ინფორმაციას Sky News-ი საფრანგეთის პრეზიდენტის ადმინისტრაციაზე დაყრდნობით ავრცელებს.

ელისეის სასახლის ინფორმაციით, ლიდერები უკრაინასთან დაკავშირებით შემდგომ ნაბიჯებს განიხილავენ.

„მსურველთა კოალიციის“ შეხვედრა ვიდეო ფორმატში ჩატარდება.

შეგახსენებთ, ორშაბათს ლონდონში, დიდი ბრიტანეთის პრემიერ-მინისტრმა, კირ სტარმერმა უკრაინის პრეზიდენტ ვოლოდიმირ ზელენსკის, საფრანგეთის პრეზიდენტ ემანუელ მაკრონსა და გერმანიის კანცლერ ფრიდრიხ მერცს უმასპინძლა.

შეხვედრის შემდეგ ვოლოდიმირ ზელენსკიმ განაცხადა, რომ ევროპელ ლიდერებთან უსაფრთხოების გარანტიების შესახებ საერთო პოზიცია შეათანხმა.