ცენტრალური კრიმინალური პოლიციის დეპარტამენტის დირექტორის მოადგილედ ლაშა გოგნიაშვილი დაინიშნა.

ამის შესახებ ინფორმაცია „ინტერპრესნიუსს“ შინაგან საქმეთა სამინისტროში დაუდასტურეს.

ლაშა გოგნიაშვილი ამ დრომდე კახეთის პოლიციის დეპარტამენტის ხელმძღვანელის პოზიციას იკავებდა. ამ პოსტზე ის 2025 წლის გაზაფხულზე დაინიშნა, მანამდე კი ის თბილისის პოლიციის დეპარტამენტის დირექტორი იყო.