შეძრწუნებული ვარ და ვგმობ დღევანდელ საზარელ, სასიკვდილო თავდასხმას სიდნეიში, ხანუქას აღსანიშნავად შეკრებილ ებრაულ ოჯახებზე, - ამის შესახებ გაერო-ს გენერალური მდივანი, ანტონიო გუტერეში სოციალურ პლატფორმა X-ზე წერს.

„ჩემი გული მთელი მსოფლიოს ებრაულ თემთანაა ხანუქას პირველ დღეს, ფესტივალის, რომელიც აღნიშნავს მშვიდობის სასწაულს და სინათლის გამარჯვებას სიბნელეზე“, - წერს გუტერეში.

შეგახსენებთ, ავსტრალიაში, ბონდი-ბიჩზე მომხდარი სროლის შედეგად დაღუპულთა რაოდენობა 12-მდე გაიზარდა, დაშავებულია 29 ადამიანი. თავდასხმა ებრაული დღესასწაულის, ხანუქას ღონისძიებაზე მოხდა. ადგილობრივი პოლიციის ინფორმაციით, ჩატარდება მნიშვნელოვანი გამოძიება, რომელსაც კონტრტერორისტული სამსახური უხელმძღვანელებს.