უკრაინის კონფლიქტის მხარეები კრიზისის მოგვარებასთან ახლოს არიან, - ამის შესახებ რუსეთის საგარეო საქმეთა მინისტრის მოადგილემ, სერგეი რიაბკოვმა განაცხადა.

„სავსებით დარწმუნებული ვართ, რომ ამ საშინელი კრიზისის მოგვარების ზღვარზე ვართ“, - განაცხადა რიაბკოვმა.

მისი თქმით, მოსკოვი მხარს უჭერს ისეთი მდგრადი გადაწყვეტის მიღებას, რომელიც აღმოფხვრის კონფლიქტის ძირეულ მიზეზებს.

„2022 წელს ყველაფრის მოგვარებასთან ძალიან ახლოს ვიყავით, მაგრამ ახლა საქმე გაცილებით რთულადაა, მიდგომებში განსხვავებები აშკარაა. ეს ნიშნავს, რომ უბრალოდ უნდა გავაორმაგოთ ჩვენი ძალისხმევა ამ განსხვავებების დასაძლევად და ჩვენ მზად ვართ ამისთვის“, - აღნიშნა რიაბკოვმა.

მისი თქმით, რუსეთი ახლა აშშ-სგან უკრაინის წარმომადგენლებთან ბოლო მოლაპარაკებების შედეგების შესახებ ინფორმირებას ელოდება.

„ჩვენ ღია ვართ იმ გადაწყვეტილებების მიმართ, რომლებიც იქ შეიძლება მიიღონ თუმცა, ჩვენ არასდროს დავთანხმდებით ნატო-ს ჯარების ყოფნას უკრაინის ტერიტორიაზე“, - აღნიშნა საგარეო საქმეთა მინისტრის მოადგილემ.

მან ასევე უარყო უკრაინაში „მსურველთა კოალიციის“ ძალების განლაგების შესაძლებლობა, რომელიც, მისი თქმით, იგივეს წარმოადგენს, რაც ჩრდილოატლანტიკური ალიანსი.

„შეიძლება უარესიც კი არის, რადგან ასეთი გადაწყვეტილების განხორციელება შესაძლებელი იქნება ნატო-ს სტანდარტული პროცედურების გარეშეც კი, რომლებიც ასეთი შემთხვევებისთვის არსებობს“, - აღნიშნა რიაბკოვმა.