რუსეთის პრეზიდენტის ვლადიმერ პუტინის სპეციალური წარმომადგენელი, კირილ დმიტრიევი დღეს მაიამიში გაემგზავრება - ამის შესახებ Reuters-ს ვიზიტის შესახებ ინფორმირებულმა ორმა წყარომ განუცხადა.

წყაროების ცნობით, დმიტრიევი აშშ-ში პრეზიდენტ დონალდ ტრამპის ადმინისტრაციის წევრებთან შესახვედრად მიემგზავრება.

ცნობისთვის, რუსეთის, უკრაინისა და აშშ-ის დელეგაციებს შორის შეხვედრები 23-24 იანვარს არაბთა გაერთიანებული საამიროების დედაქალაქ აბუ-დაბიში გაიმართა. მოლაპარაკების მორიგი რაუნდი 1-ელ თებერვალს არის დაგეგმილი.