უნგრეთის მომავალ საპარლამენტო არჩევნებში სრულიად ვუჭერ მხარს ვიქტორ ორბანის პრემიერ-მინისტრად ხელახლა არჩევას. ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.

ტრამპმა ორბანს "ნამდვილი მეგობარი", "მებრძოლი" და "გამარჯვებული" უწოდა.

“ღრმად პატივცემული უნგრეთის პრემიერ-მინისტრი, ვიქტორ ორბანი, ნამდვილად ძლიერი ლიდერია, ფენომენალური შედეგების მიღწევის ისტორიით. ის დაუღალავად იბრძვის და უყვარს მისი დიდებული ქვეყანა და ხალხი, როგორც მე ვაკეთებ შეერთებული შტატებისთვის. ვიქტორი ბევრს მუშაობს, რათა დაიცვას უნგრეთი, გაზარდოს ეკონომიკა, შექმნას სამუშაო ადგილები, წინ წაწიოს ვაჭრობა, შეაჩეროს არალეგალური იმიგრაცია და უზრუნველყოს სამართლიანობა და წესრიგი! უნგრეთსა და შეერთებულ შტატებს შორის ურთიერთობებმა თანამშრომლობისა და არაჩვეულებრივი მიღწევის ახალ მწვერვალებს მიაღწია ჩემი ადმინისტრაციის პირობებში, დიდწილად პრემიერ-მინისტრ ორბანის წყალობით. მოუთმენლად ველი მასთან მჭიდროდ მუშაობის გაგრძელებას, რათა ჩვენმა ქვეყნებმა წარმატებისა და თანამშრომლობის ამ არაჩვეულებრივ გზაზე უფრო წინ წაწევა შეძლონ. მეამაყება, რომ მხარი დავუჭირე ვიქტორს 2022 წლის ხელახლა არჩევაში, და მეამაყება ამის კვლავ გაკეთება. ვიქტორ ორბანი ნამდვილი მეგობარი, მებრძოლი და გამარჯვებულია, და ჩემი სრული და ტოტალური მხარდაჭერა აქვს უნგრეთის პრემიერ-მინისტრად ხელახლა არჩევაში - ის არასდროს არ გაუცრუვებს იმედს უნგრეთის დიად ხალხს!”,- წერს ტრამპი.

ცნობისთვის, უნგრეთის საპარლამენტო არჩევნები 2026 წლის 12 აპრილს ჩატარდება.