გერმანიის კანცლერი ფრიდრიხ მერცი ირანს მოუწოდებს, შეწყვიტოს აგრესია და ბირთვული პროგრამა და თავი შეიკავოს კატარის, იორდანიისა და ისრაელის წინააღმდეგ სამხედრო მუქარისგან.

„კატართან ერთად ღრმად შეშფოთებულები ვართ თეირანში არსებული ვითარებით. მოვუწოდებ ირანის ხელმძღვანელობას, ჩაერთოს მოლაპარაკებებში, შეწყვიტოს აგრესია და ბირთვული პროგრამა და უპირველეს ყოვლისა, თავი შეიკავოს სამხედრო მუქარისგან ისეთი ქვეყნების მიმართ, როგორიცაა კატარი, იორდანია და ისრაელი“, - წერს მერცი სოციალურ ქსლეში.

ცნობისთვის, მერცმა სპარსეთის ყურის ქვეყნებში სამდღიანი ტურნე დაიწყო. გუშინ დოჰაში ჟურნალისტებთან საუბრისას მერცმა განაცხადა, რომ გერმანია ბოლო წლებთან შედარებით უფრო ინტენსიურად იმუშავებს სპარსეთის ყურის რეგიონში პარტნიორებთან შეიარაღების სფეროში თანამშრომლობაზე. მისივე თქმით, გერმანიას სურს, კატარიდან მეტი თხევადი ბუნებრივი აირის იმპორტი განახორციელოს.