პორტუგალიაში საპრეზიდენტო არჩევნების მეორე ტური მიმდინარეობს, - ინფორმაციას „დოიჩე ველე“ ავრცელებს.

პორტუგალიის საპრეზიდენტო არჩევნების მეორე ტურში სოციალისტური პარტიის კანდიდატი ანტონიო ხოსე სეგურო მემარჯვენე პოპულისტური პარტიის, Chega-ს ლიდერს ანდრე ვენტურას უპირისპირდება.

საპრეზიდენტო არჩევნების პირველ ტურში სეგურომ ხმების 31.1% მიიღო, ხოლო ვენტურამ ხმების 23.5%.

ცნობისთვის, ეს 40 წლის განმავლობაში პირველი შემთხვევაა, როდესაც პორტუგალიაში პრეზიდენტის ასარჩევად მეორე ტური გახდა საჭირო.

პორტუგალიაში პრეზიდენტის თანამდებობა, ძირითადად, ცერემონიალური ხასიათისაა, თუმცა მას რამდენიმე მნიშვნელოვანი უფლებამოსილებაც აქვს, მათ შორის, ზოგიერთ შემთხვევაში, პარლამენტის დათხოვნის, ვადამდელი საპარლამენტო არჩევნების დანიშვნის და კანონმდებლობაზე ვეტოს დადების.