უკრაინის საკითხზე მოლაპარაკებები საჯაროდ განხილვას არ ექვემდებარება, - ამის შესახებ კრემლის პრესსპიკერმა, დიმიტრი პესკოვმა განაცხადა.

„დეტალების განხილვას არ ვაპირებთ. ამას არ გავაკეთებთ. ახლა მოლაპარაკებები იმ ეტაპზე მიმდინარეობს, რომ საჯაროდ განხილვას არ ექვემდებარება“, - განაცხადა პესკოვმა.

ასევე, მისი თქმით, აშშ-ის, რუსეთისა და უკრაინის წარმომადგენლებს შორის მოლაპარაკებების მორიგი რაუნდის ჩატარების ადგილის შესახებ ინფორმაციას კრემლი ჯერჯერობით არ გაავრცელებს.

„ჯერჯერობით განცხადებას არ ვაკეთებთ. როგორც კი ინფორმაცია გვექნება, მაშინვე შეგატყობინებთ“, - აღნიშნა პესკოვმა.

ცნობისთვის, უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინას, აშშ-სა და რუსეთს შორის მოლაპარაკებების მორიგი რაუნდი კვლავ შვეიცარიაში გაიმართება.