გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.

„ენერგო-პრო ჯორჯიას“ ინფორმაციით, ქსელის გეგმური სარეაბილიტაციო სამუშაოების გამო, 20 თებერვალს 11:00-დან 18:30 საათამდე ელექტროენერგიის მიწოდება შეეზღუდება აბონენტებს თბილისის მუნიციპალიტეტის ტერიტორიაზე - ზაჰესში, მუხათგვერდსა და მიმდებარე ტერიტორიაზე; 11:00-დან 18:00 საათამდე აბონენტებს დუშეთის მუნიციპალიტეტის სოფლებში - ანანური, ციხისძირი, ზოტიკიანთკარი, ვარდი, ფიტავი და მიმდებარე სოფლებში; 15:00-დან 18:00 საათამდე აბონენტებს მცხეთაში - რუსთაველის, მირიანის, აღმაშენებლის, მამულაშვილის და მიმდებარე ქუჩებზე; 17:00-დან 18:00 საათამდე აბონენტებს თბილისის მუნიციპალიტეტის სოფლებში - ნაფეტვრები, ლისი, მსხალდიდი, ნახშირგორა და მიმდებარე სოფლებში.

„სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში”, - აღნიშნულია ინფორმაციაში.